Stjórnvöld í Sádi-Arabíu sýna ekkert umburðarlyndi gagnvart gagnrýni. Fólk hlýtur nú harðari dóma en Amnesty International hefur nokkru sinni áður skrásett í Sádi-Arabíu fyrir að nýta rétt sinn til tjáningar.
Frumvarp til fyrstu almennu hegningarlöggjafar Sádi-Arabíu, sem er ekki enn búið að opinbera en var lekið var út, gengur í berhögg við alþjóðlega mannréttindastaðla og afhjúpar hræsnina á bak við loforð krónprinsins Mohammed bin Salman um framfarir og umburðarlyndi í landinu.
Yfirvöld í Sádi-Arabíu mega ekki komast upp með það að þagga niður raddir og sögur þeirra einstaklinga sem yfirvöld hafa fangelsað í aðför sinni gegn tjáningarfrelsinu.
Íslensk stjórnvöld sýndu forystu í mannréttindaráði sameinuðu þjóðanna árið 2019 vegna stöðu mannréttinda í Sádi-Arabíu. Þau geta enn haft forystu um að þrýsta á stjórnvöld í Sádi-Arabíu.
SMS-félagar krefjast þess að íslensk stjórnvöld beiti sér fyrir því að yfirvöld í Sádi-Arabíu leysi öll þau úr haldi sem hafa ranglega verið fangelsuð fyrir að nýta rétt sinn til tjáningar.
Lestu meira hér.