Í dag, 26. maí 2016, birtir Amnesty International stefnu sína varðandi verndun vændisfólks gegn mannréttindabrotum og misnotkun, ásamt því að birta fjórar rannsóknarskýrslur um stöðu þessara mála í Papúa Nýju-Gíneu, Hong Kong, Noregi og Argentínu.
Í dag birtir Amnesty International stefnu sína varðandi verndun vændisfólks gegn mannréttindabrotum og misnotkun, ásamt því að birta fjórar rannsóknarskýrslur um stöðu þessara mála í Papúa Nýju-Gíneu, Hong Kong, Noregi og Argentínu. Landaskýrsurnar má lesa hér: Papúa Nýja-Gínea, Hong Kong, Noregur og Argentína.
Vændisfólk er í aukinni hættu á að verða fyrir margvíslegum mannréttindabrotum þar á meðal nauðgunum, ofbeldi, kúgun og mismunun. „Allt of oft nýtur það engrar eða mjög takmarkaðrar verndar í lögum og hefur litla möguleika á að fá úrlausn mála sinna,“ segir Tawanda Mutasah, sem fer fyrir málefnum laga og stefnumótunar hjá Amnesty International.
Stefna okkar útlistar hvernig stjórnvöld verða að gera meira til þess að vernda vændisfólk gegn brotum og misnotkun. Rannsóknirnar beina athygli að vitnisburði vændisfólks og erfiðleika þess.
Ef viðskiptavinur er slæmur þá þarftu sjálf/-ur að takast á við það allt til enda. Þú hringir aðeins á lögregluna ef þú heldur að þú munir deyja. Ef þú hringir á lögregluna, þá missir þú allt.
Viðmælandi sem stundar vændi í Noregi