Nú styttist óðum í hið árlega Bréf til bjargar lífi árið 2018. Að venju tekur fjöldi sveitafélaga þátt, bæði á höfuðborgarsvæðinu og á landsbyggðinni. Dagskráin verður auglýst í Fréttablaði samtakanna og á vef Íslandsdeildarinnar.
Bréf til bjargar lífi fer fram á skrifstofu Íslandsdeildarinnar, sunnudaginn 9. desember frá kl. 13-17.
Nú styttist óðum í hið árlega Bréf til bjargar lífi árið 2018. Að venju tekur fjöldi sveitafélaga þátt, bæði á höfuðborgarsvæðinu og á landsbyggðinni. Dagskráin verður auglýst í Fréttablaði samtakanna og á vef Íslandsdeildarinnar.
Öll málin tíu sem tekin verða fyrir í ár lúta að baráttukonum fyrir mannréttindum.
Um heim allan eru konur í fararbroddi andófsfólks. Þær standa í fremstu víglínu, berjast gegn mismunun, þvinguðum brottflutningi, kúgun. Staða þeirra sem leiðtoga í samfélögum sínum er enn merkilegri vegna erfiðleika sem varðað hafa vegferð þeirra. Margar kvennanna búa í samfélögum þar sem konum er ætlað að þola óréttlæti án þess að rödd þeirra heyrist. Jæja, þessar konur eru á öðru máli. Í ár helgar Amnesty International árlega herferð sína, Bréf til bjargar lífi, konum frá tíu löndum sem berjast gegn óréttlátum lögum, spillingu, lögregluofbeldi og mörgu fleira. Þær eru leiðtogar og við þurfum á fleiri eins og þeim að halda nú á dögum, þegar heimurinn færist sífellt í átt til öfga. Með því að slást í hóp þeirra geturðu lagt þitt lóð á vogarskálar jafnréttis, frelsis og réttlætis. Þessar konur og milljónir til viðbótar standa í dag gegn óréttlæti. Stattu með þeim.
Bréf til bjargar lífi fer fram á skrifstofu Íslandsdeildarinnar, Þingholtsstræti 27, þriðju hæð, sunnudaginn 9. desember frá kl. 13-17.
Sérstök dagskrá verður fyrir fjölskylduna á skrifstofunni:
- Lalli töframaður skemmtir börnum og fullorðnum
- Jólasveinn kíkir í heimsókn með glaðning fyrir börnin
- Hljómsveitin Eva flytur hugljúfa tóna í anda jólanna
- Barnahorn með litum og blöðum svo börnin geti teiknað kveðjur til þolenda mannréttindabrota
Boðið verður upp á kaffi, jólaöl, jólaglögg, smákökur og fleira.
Allir velkomnir!