Amnesty International efnir til stórrar ráðstefnu um mannréttindi í Kaupmannahöfn þann 28. nóvember.
Amnesty International efnir til stórrar ráðstefnu um mannréttindi í Kaupmannahöfn þann 28. nóvember.
Gestir geta tekið þátt í umræðum með forystufólki frá Sameinuðu þjóðunum og Amnesty International, hlustað á frásagnir sjónarvotta af mannréttindabrotum í Nígeríu, Indlandi og Kenía – og lagt sitt af mörkum í baráttunni gegn mannréttindabrotum. Einnig verða tónleikar með hljómsveitinni Outlandish hluti af dagskránni.
Á ráðstefnunni, sem ber heitið Amnesty IMPACT 2009 geturðu hlýtt á:
• Mary Robinson ræða um áhrif loftslagsbreytinga á mannréttindi.
• Irene Khan, framkvæmdastjóra heimssamtaka Amnesty International, ræða um breytingar á mannréttindabaráttunni og starfsemi Amnesty International.
• Nenibarini Zabbey, baráttumann fyrir mannréttindum í Nígeríu, ræða um milljarðagróða olíufélaga í árósum Níger, meðan fátækir íbúar svæðisins hafa setið uppi með stórfelld umhverfisspjöll af völdum olíuvinnslunnar.
• Naomi Barasa, yfirmann Keníaherferðar Amnesty International, ræða um vandamál í Naírobí, þar sem tvær milljónir búa í einu stærsta fátækrahverfi heimsins.
• Baráttufólk og íbúa Bhopal í Indlandi ræða um hörmungarnar tengdar eiturefnalekanum í Bhopal og áhrif hans á íbúa svæðisins 25 árum síðar.
• Ráðstefnunni lýkur með tónleikum með hljómsveitinni Outlandish.
Verð og skráning
Allir félagar í Amnesty International eru velkomnir. Þátttökugjaldið er 200 danskar krónur og 150 danskar krónur fyrir ungt fólk undir 25 ára.
Hægt er að skrá sig til þátttöku og sjá alla dagskrána á slóðinni:
www.amnesty.dk/impact2009
Skráningarfrestur er til 23. október