Taktu þátt í alþjóðlegu bréfamaraþoni Amnesty International og skrifaðu undir kort í þágu þolenda mannréttindabrota á aðventunni. Tilbúin bréf til stjórnvalda á staðnum.
Taktu þátt í stærsta mannréttindaviðburði heims með því að taka þátt í bréfamaraþoninu ! Tugþúsundir í yfir 60 löndum munu nú um helgina þrýsta á stjórnvöld víða um heim í þágu einstaklinga sem sæta mannréttindabrotum. Búist er við að hundruð þúsunda bréfa verði send sem verulega eykur þrýsting á stjórnvöld að tryggja mannréttindi þeirra einstaklinga sem mátt hafa þola mannréttindabrot..
Þetta er í sjötta sinn sem bréfamaraþonið er haldið á Íslandi en í fyrra sendum við hundruð jólakorta til þolenda mannréttindabrota um heim allan. Samtímis munu fara fram bréfamaraþon í Amnesty-deildum í yfir 60 löndum víða um heim.
Um stærsta mannréttindaviðburð veraldar er að ræða.
http://www.amnesty.ca/writeathon/?page_id=16
Bréfamaraþonið fer fram um land allt í kringum 10. desember í tilefni af alþjóðlegum mannréttindadegi Sameinuðu þjóðanna þann 10. desember. Í ár stendur til að hafa bréfamaraþon í Reykjavík, Kópavogi, Hafnarfirði, Reykjanesbæ, Grindavík, á Akranesi, Selfossi, Akureyri, Egilsstöðum, Ísafirði, Húsavík, og í Höfn í Hornafirði.
Við viljum biðja þig um að gefa eina til tvær klukkustundir af tíma þínum í þágu þolenda mannréttindabrota á þeim stöðum sem næst þér eru og auglýstir eru hér að neðan.
Þeir, sem ekki hafa tök á að mæta á bréfamaraþon Amnesty International, geta tekið þátt á Facebook (sjá nánar: http://www.facebook.com/pages/Islandsdeild-Amnesty-International/55649180171?v=app_4949752878&ref=ts )
Undanfarin ár hefur myndast skemmtileg jólastemning, en kaffi, kakó og piparkökur verða að sjálfsögðu á boðstólnum.
Bréfamaraþonið verður í ár haldið á eftirfarandi stöðum:
Reykjavík
Skrifstofa Íslandsdeildar Amnesty International: Íslandsdeild Amnesty International hvetur alla til að mæta, leggja hönd á plóginn og njóta notalegrar jólastemningar á aðventunni laugardaginn 12. desember frá 13 til 18 að Þingholtsstræti 27, þriðju hæð.
Reykjavík Miðbær, á Borgarbókasafni Reykjavíkur laugardaginn 12. desember frá 13 til 17.
Reykjavík Grafarvogur, á Foldasafni laugardaginn 12.desember frá 13 til 17.
Reykjavík Gerðuberg, á Gerðubergssafni laugardaginn 12. desember frá 13 til 16.
Hafnarfjörður, á Bókasafninu í Hafnarfirði laugardaginn 12.desember frá 11 til 15.
Kópavogur, á Bókasafni Kópavogs laugardaginn 12. desember frá 13 til 17.
Ísafjörður, í Edinborgarhúsinu laugardaginn 12.desember frá 14 til 16.
Höfn í Hornafirði, í Bókasafninu í Nýheimum frá 10 til 14.
Egilsstaðir, á Jólakettinum í Barra laugardaginn 12.desember frá 13 til 16.
Akureyri, á Amtsbókabókasafninu laugardaginn 12. desember frá 13 til 18.
Akranes, á Bókasafni Akraness föstudaginn 11. desember frá 12 til 18.
Reykjanesbær, á bókasafninu í Reykjanesbæ laugardaginn 12. desember frá 10 til 16.
Grindavík, á Bókasafninu í Grindavík 10. og 11.desember frá 11 til 18.
Selfoss, á Bókasafninu á Selfossi 10. og 11.desember frá 10 til 19 og laugardaginn 12. desember frá 11 til 14.
Húsavík, á Bókasafni Húsavíkur þriðjudaginn 15. desember frá 10 til 18.