Þitt nafn bjargar lífi
Myndbönd – Þitt nafn bjargar lífi
Hvernig virkar Þitt nafn bjargar lífi?
Thelma Marín Jónsdóttir og Aldís Amah Hamilton kynna grunn- og framhaldsskólanemum landsins fyrir stærstu árlegu herferðinni okkar, Þitt nafn bjargar lífi, og keppninni Mannréttindaskóli ársins.
Myndbandið var framleitt af auglýsingastofunni KIWI árið 2020.
Sagan hennar Nassimu
Nassima al-Sadah frá Sádi-Arabíu var handtekin fyrir friðsamlega mannréttindabaráttu sína í júlí 2018. Hún sætti illri meðferð í varðhaldi og var sett í algjöra einangrun frá öðrum föngum frá febrúar 2019 til febrúar 2020.
Mál Nassimu var eitt af málunum í Þitt nafn bjargar lífi árið 2020.
Árið 2021 fékk Nassima al-Sadah frelsi sitt á ný.
Myndbandið var unnið með leikstjóranum Reyni Lyngdal og auglýsingastofunni Kontor og hlaut Lúðurinn, íslensku auglýsingaverðlaunin, árið 2020.
Sagan hans Idris
Idris Khattak var á leið heim til sín í höfuðborginni Islamabad í Pakistan þann 13. nóvember 2019 þegar bílaleigubíll hans var stöðvaður. Ekkert hefur sést til hans síðan þá. Yfirvöld í Pakistan beita þvinguðum mannshvörfum til að þagga niður í mannréttindafrömuðum eins og Idris og öðrum gagnrýnendum.
Mál Idris var eitt af málunum í Þitt nafn bjargar lífi árið 2020.
Myndbandið var unnið með leikstjóranum Reyni Lyngdal og auglýsingastofunni Kontor og hlaut Lúðurinn, íslensku auglýsingaverðlaunin, árið 2020.
Sagan hans Magai
Magai Matiop Ngong var dæmdur til dauða aðeins 15 ára gamall.
Mál hans var eitt af málunum Þitt nafn bjargar lífi árið 2019.
Þökk sé mörg hundruð þúsund einstaklingum um allan heim sem þrýstu á stjórnvöld í Suður-Súdan var dauðadómurinn felldur úr gildi árið 2020 og árið 2022 fékk Magai loks frelsi á ný.
Myndbandið var unnið með leikstjóranum Reyni Lyngdal og auglýsingastofunni Kontor og hlaut Lúðurinn, íslensku auglýsingaverðlaunin, árið 2019.
Þessi útgáfa er frá 2020 eftir að dauðadómurinn var felldur úr gildi.
Sagan hennar Yasaman
Yasaman Ayani storkaði lögum um höfuðslæðu í Íran með ögrandi gjörningi. Yasaman og móðir hennar gengu hiklaust með hárið óhulið um lestarvagn einungis ætlaðan konum og dreifðu hvítum blómum meðal farþega. Þessi viðburður náðist á myndband og fór á flug á netinu í mars 2019. Yasaman var dæmd í 16 ára fangelsi vegna þess eins að hún telur að konur eigi að hafa frelsi til að velja hverju þær klæðast.
Mál hennar var eitt af málunum í herferðinni Þitt nafn bjargar lífi 2019.
Eftir þrýsting frá einstaklingum um heim allan hefur dómur Yasaman verið styttur.
Myndbandið var unnið með leikstjóranum Reyni Lyngdal og auglýsingastofunni Kontor og hlaut Lúðurinn, íslensku auglýsingaverðlaunin, árið 2019.
Sagan hans José Adrián
José Adrián var á heimleið úr skólanum þegar lögreglan réðst á hann og handtók. Hann var aðeins 14 ára gamall. Lögreglan lét José Adrián hanga í handjárnum á lögreglustöðinni og barði hann. Hann var aðeins leystur úr haldi eftir að foreldrar hans höfðu verið þvingaðir til að borga sekt. Krafist var réttlætis í máli hans en þá höfðu litlar framfarir orðið tæpum fjórum árum frá handtöku hans.
Mál hans var eitt af málunum í herferðinni Þitt nafn bjargar lífi 2019.
Í janúar 2021 urðu þau gleðitíðindi að José Adríán og fjölskylda fengu skaðabætur frá yfirvöldum. Án þrýstings hefði þetta ekki gerst.
Myndbandið var unnið með leikstjóranum Reyni Lyngdal og auglýsingastofunni Kontor og hlaut Lúðurinn, íslensku auglýsingaverðlaunin, árið 2019.
Sagan hans Moses
Moses Akatugba frá Nígeríu var aðeins 16 ára þegar hann var handtekinn fyrir stuld á farsímum. Hann var pyndaður til játningar, sat í fangelsi án dóms og laga í átta ár og var síðan dæmdur til dauða.
Mál hans var eitt af málunum í herferðinni Þitt nafn bjargar lífi 2014.
Árið 2015 var Moses loks náðaður eftir tíu ár í fangelsi, þökk sé þrýstingi frá yfir 800.000 einstaklingum um allan heim. Í nóvember árið 2016 heimsótti Moses Íslandsdeild Amnesty International og hitti íslensku aðgerðasinnana sem börðust fyrir lausn hans.
Myndbandið var unnið í samvinnu við auglýsingastofuna KIWI.
Íslenskur texti.
Moses’ story
16-year-old Moses Akatugba was arrested by the Nigerian army and charged with stealing mobile phones. He was tortured and forced into signing two “confessions” – which formed the sole basis of his conviction. After 10 years in jail, and over 800,000 messages from activists around the world, Moses’ life has been spared. Moses Akatugba visited Iceland in the end of November 2016 where he met the activists that took action in his support.
This video was made in collaboration with the digital advertising agency, KIWI.
English subtitles.