Hundruð friðsælla mótmælenda, þar á meðal börn, eiga yfir höfði sér langa fangelsisvist fyrir þátttöku í fjöldamótmælum. Brotið er á tjáningarfrelsi og fundafrelsi fólksins.
Yfirvöld í Tælandi hafa í gegnum árin stuðst við ýmsar löggjafir til að koma í veg fyrir friðsamleg mótmæli. Árið 2015 setti herstjórnin í landinu bann við “pólitískar” samkomur þar sem fleiri en fimm einstaklingar koma saman.
Frá því að neyðarlögin voru sett í mars 2020 hafa yfirvöld í auknum mæli handtekið og ákært mótmælendur í friðsamlegum mótmælum. Þeir hafa einnig greint frá því að hafa sætt áreitni og hótunum lögreglumanna.
Stjórnvöld í Tælandi hafa kúgað friðsæla mótmælendur sem fara fram á umbætur í pólitík og menntun, jafnrétti og bætt réttindi kvenna og barna. Stjórnvöld hafa ákært og sett tugi mótmælenda í varðhald. Þessi þöggun er í takt við áralanga hefð yfirvalda í Tælandi, að áreita einstaklinga sem nýta réttindi sín.
SMS-félagar krefjast þess að öll mál á hendur þessum einstaklingum verði felld niður og aðrar aðgerðir stöðvaðar, þar á meðal áreitni í þeirra garð. Einnig er þess krafist að löggjöf verði breytt og tryggt að hún fari eftir alþjóðlegum mannréttindalögum.