Íslandsdeild Amnesty International og Mannréttindaskrifstofa Íslands hafa gefið út þrjú fræðslumyndbönd um mannréttindi á sex tungumálum (íslensku, ensku, pólsku, spænsku, persnesku og arabísku). Myndböndin þrjú fjalla um jafnrétti, réttindi á vinnumarkaði og réttindi barna. Markmiðið með myndböndunum er að veita flóttafólki og öðrum innflytjendum gagnlegar grunnupplýsingar um réttindi í þessum þremur málaflokkum í tengslum við íslenskt samfélag.

Milostène er aðgerðasinni sem stýrir umhverfisverndarsamtökum Action pour la Reforestation et la Défense de l’Environnement, AREDE í Trou-duNord, bæ í norðausturhluta Haítí. Síðan 2013 hafa samtökin barist fyrir réttindum smábænda. Hann hefur margoft orðið fyrir árásum eða morðtilraunum vegna starfa sinna. 

Raman Pratasevich, blaðamaður frá Hvíta-Rússlandi á flótta sem hefur gagnrýnt hvítrússneska ríkisstjórnina, var ólöglega handtekinn þann 23. maí af stjórnvöldum í Hvíta-Rússlandi ásamt maka sínum, Sofiu Sapega. Þau voru í flugi frá Aþenu til Vilníus þegar vélinni var beint í aðra átt og gert að lenda í Minsk vegna sprengjuhótunar. Raman Pratasevich var eftirlýstur í heimalandi sínu vegna „hryðjuverka“ fyrir vinnu sína sem blaðamaður. Verði hann dæmdur sekur á hann yfir höfði sér 20 ára fangelsisvist.

Í nýrri skýrslu Amnesty International er greint frá alvarlegum skorti á geðheilbrigðisþjónustu í Síerra Leóne fyrir fólk sem hefur orðið fyrir sálrænum áföllum í kjölfar grimmilegrar borgarastyrjaldar og skæðs ebólufaraldurs.

Í tilefni af 60 ára afmæli Amnesty International, í dag föstudaginn 28. maí, fagnaði Íslandsdeildin stóra deginum í Pósthússtræti við Austurvöll. Anna Lúðvíksdóttir, framkvæmdastjóri Íslandsdeildar samtakanna, hélt stutta ræðu og opnaði útisýningu um sögu og mannréttindasigra samtakanna síðustu 60 ára í máli og myndum. Þá veitti Claudia Ashanie Wilson viðurkenninguna „Aðgerðasinni Amnesty International“ fyrir hönd stjórnar Íslandsdeildar Amnesty International.

Í 60 ár hefur alþjóðahreyfingin Amnesty International barist þrotlaust gegn mannréttindabrotum og hefur skilað árangri fyrir hundruð þúsunda einstaklinga um heim allan. Amnesty International fagnar afmæli sínu, sögu og sigrum með opnun útisýningar í Pósthússtræti í dag, föstudaginn 28. maí, klukkan 17:00 ásamt því að veita viðurkenninguna Aðgerðasinni Amnesty International til að heiðra einstakling sem hefur barist fyrir mannréttindum með aðgerðum sínum af krafti og eljusemi.

Í tilefni af 60 ára afmæli Amnesty International stöndum við fyrir viðburði í Pósthússtræti við Austurvöll næstkomandi föstudag, 28. maí klukkan 17:00.

Danmörk leggur hundruð flóttafólks í hættu með því að senda það aftur til Sýrlands. Dönsk yfirvöld staðhæfa að höfuðborgin Damaskus og nágrenni hennar séu örugg svæði í Sýrlandi. Þrátt fyrir að loftárásir og átök séu hætt á sumum svæðum, vofir enn hætta yfir þar sem sannanir eru fyrir því að pyndingar, þvinguð mannshvörf og varðhaldsvist eigi sér enn stað í landinu.

Ísraelski herinn hefur sýnt að hann ber enga virðingu fyrir lífi óbreyttra palestínskra borgara í loftárásum sínum á íbúðarhúsnæði. Heilu fjölskyldurnar hafa látið lífið, þar á meðal börn, í árásum sem geta talist stríðsglæpir.

Ísraelskar öryggissveitir hafa beitt óhóflegri, endurtekinni og óréttmætanlegri valdbeitingu gegn palestínskum mótmælendum á hernumdu svæðum Austur-Jerúsalem síðustu daga. Átök hafa stigmagnast og flugskeyti milli vopnaðra palestínskra hópa á Gaza-svæðinu og Ísraels hafa sært fjölda fólks og tugir hafa látist. Meirihlutinn af þeim eru Palestínubúar.

Síðan 28. apríl hafa þúsundir tekið þátt í mótmælum víðsvegar um Kólumbíu. Mótmælin byrjuðu vegna fyrirhugaðra skattalagabreytinga en hafa þróast í mótmæli vegna viðbragða stjórnvalda við efnahags- og félagslegum vandamálum í kjölfar kórónuveirufaraldursins. Stjórnvöld hafa brugðist við með hervaldi í nokkrum borgum þar sem mótmælendur eru beittir óhóflegu valdi með vopnum sem hefur leitt tugi einstaklinga til dauða og enn fleiri særða. 

Ungliðahreyfing Íslandsdeildar Amnesty er aftur komin á skrið eftir að hafa legið í dvala yfir veturinn. Ungliðastarfið felst í því að vekja athygli á og kalla eftir aðgerðum í málum sem tengjast mannréttindabaráttu víðsvegar um heim, en einnig að fræðast og fræða aðra um stöðu mannréttinda á Íslandi. Það verður viðburðaríkur maímánuður hjá ungliðahreyfingu Íslandsdeilarinnar og er markmiðið að fá inn fleiri nýja ungliða til að spreyta sig á mannréttindastarfi í sumar.