Í tilefni alþjóðlega Flóttamannadagsins, sem er næstkomandi mánudag 20. júní, munu Íslandsdeild Amnesty International, Mannréttindaskrifstofa Íslands og Rauði Krossinn efna til viðburða í miðborg Reykjavíkur frá kl 15-18 til að vekja athygli á þeim veruleika sem blasir við flóttafólki bæði hér heima og um heim allan.

Skotárásin í Orlando sýnir algera fyrirlitningu gagnvart mannslífinu og hugur okkar er hjá fórnarlömbum árásarinnar og aðstandendum þeirra. En hugsunum verður að fylgja eftir með aðgerðum til þess að vernda fólk gegn slíku ofbeldi.

Ákvörðun dómara að sýkna Yeceniu Armenta Graciano, tveggja barna móður, og leysa hana úr fangelsi í gær í norðurhluta Mexíkó bindur enda á fjögurra ára óréttlæti að sögn Amnesty International.

Í rúm 40 ár hefur Amnesty International barist gegn einni stærstu smán mannkyns – pyndingum. Margt hefur áunnist í þeirri baráttu en frá árinu 1980 hefur Amnesty tekið upp mál rúmlega 3000 einstaklinga sem sætt hafa pyndingum og annarri illri meðferð í 50 löndum og landsvæðum og margir þeirra fengu lausn sinna mála. Samtökin börðust einnig í áratugi fyrir gerð samnings gegn pyndingum og annarri grimmilegri, ómannlegri og vanvirðandi meðferð eða refsingu og tók hann gildi í júní árið 1987 á vettvangi allsherjarþings Sameinuðu þjóðanna.

Stóraukning á fjölda skráðra aftaka á heimsvísu árið 2015 ber vitni um að fleiri einstaklingar voru teknir af lífi árið 2015 en nokkurn tíma á síðasta aldarfjórðungi. Í yfirferð sinni á beitingu dauðarefsingarinnar á heimsvísu komst Amnesty International að því að aukninguna mætti að mestu leyti rekja til Íran, Pakistan og Sádi-Arabíu. 

Amnesty International birti stefnu sína í dag, 26. maí 2016, varðandi verndun vændisfólks gegn mannréttindabrotum og mistnokun. Stefnan kallar á stjórnvöld að vernda, virða og uppfylla réttindi vændisfólks. Hér má finna nokkrar helstu spurningar sem hafa borist Amnesty og komið hafa fram í opinberri umræðu, ásamt svörum við þeim.

Í dag, 26. maí 2016, birtir Amnesty International stefnu sína varðandi verndun vændisfólks gegn mannréttindabrotum og misnotkun, ásamt því að birta fjórar rannsóknarskýrslur um stöðu þessara mála í Papúa Nýju-Gíneu, Hong Kong, Noregi og Argentínu.

Ákvörðun dómstóla í El Salvador, þann 20. maí síðastliðinn, um að leysa Maríu Teresu Riveru úr haldi sem hefur setið á bak við lás og slá í þrjú ár, er stór sigur í mannréttindabaráttunni. 

Meirihluti fólks (80%) víða um heim myndi taka á móti flóttafólki með opnum örmum og margir eru tilbúnir til að hýsa það á eigin heimilum, samkvæmt nýrri skoðanakönnun, The Refugees Welcome Index, sem Amnesty International lét gera.   

Tyrknesku fræðimennirnir Muzaffer Kaya, Esra Mungan, Kıvanç Ersoy og Meral Camcı voru leystir úr gæsluvarðhaldi þann 22. apríl síðastliðinn. Saksókn gegn þeim fyrir „hryðjuverkaáróður“ hefur verið hætt en þeir hafa ekki verið sýknaðir.    

Að hundrað dögum liðnum verður Ríó de Janeiro fyrsta borgin í Suður-Ameríku sem heldur flottustu sýningu í heimi – Ólympíuleikana.

Fyrr í mánuðinum bárust gleðifréttir. Fyrir rétti voru allar ákærur á hendur stúdentum í Mjanmar felldar niður og Phyoe Phyoe Aung og félagar hennar gengu út í frelsið. Hún var handtekin í mars 2015 ásamt rúmlega hundrað námsmönnum sem stóðu fyrir friðsömum mótmælum gegn nýjum lögum í Mjanmar.