Mikilvægur sigur vannst nýverið þegar olíurisinn Shell greiddi síðbúnar skaðabætur til Bodó-samfélagsins á óseyrum Nígerfljóts, þar sem íbúar hafa þurft að horfa upp á lífsviðurværi sitt lagt í rúst vegna olíuleka sem Shell bar ábyrgð á.
Árás byssumanna á Parísarskrifstofu blaðsins Charlie Hebdo er skelfileg árás á tjáningarfrelsið að mati Amnesty International.
Saman höfum við barist fyrir tjáningarfrelsinu og réttlætinu og gegn pyndingum og dauðarefsingum. Bestu þakkir fyrir stuðning þinn á árinu 2014.
Refsileysi er allsráðandi innan lögreglunnar og veldur því að pyndingar lögreglu ná fram að ganga óhindrað á Filippsseyjum, samkvæmt nýjustu skýrslu Amnesty International, Above the Law: Police Torture in the Philippines sem gefin var út í tilefni að nýrri herferð til að stöðva pyndingar þar í landi.
Í dag, 10. desember er Alþjóðlegi mannréttindadagurinn en 66 ár eru síðan Mannréttindayfirlýsing Sameinuðu þjóðanna var samþykkt á allsherjarþingi Sameinuðu þjóðanna.
Alþjóðasamfélagið hefur brugðist því að takast á við vaxandi fjölda sýrlenskra flóttamanna sem flýja til Tyrklands. Það hefur leitt til neyðarástands af stærðargráðu sem á sér engin fordæmi.
Einn stærsti mannréttindaviðburður heims hefur sannarlega fest sig í sessi – Bréfamaraþon Amnesty International.
Setningu Bréfamaraþons Íslandsdeildar Amnesty International sem fyrirhuguð var í Ráðhúsi Reykjavíkur sunnudaginn 30. nóvember klukkan 18:00 hefur verið aflýst vegna veðurs.
Sunnudaginn 30. nóvember taka Íslandsdeild Amnesty International og Reykjavíkurborg höndum saman í baráttunni fyrir betri heimi með því að hleypa árlegu bréfamaraþoni samtakanna af stað.
Bréfamaraþonið fer fram á ýmsum stöðum á landinu í ár og fjöldi framhaldsskóla taka þátt!
Jólakortið fyrir 2014 er eftir Tryggva Ólafsson og heitir Vorkoma. Jólakortið er 17 cm á breidd og 11,3 cm á hæð. Jólakortin eru til sölu hér í Amnesty-búðinni og kosta 10 kort í pakka með umslögum 1.500kr.
Fyrir stuttu féll 18 ára nemi í sprengjukúluárás í austurhluta Úkraínu í borginni Donetsk. Það er eitt dæmi af mörgum handahófskenndum árásum á svæðinu sem gætu fallið undir stríðsglæpi. „Báðir stríðsaðilar, úkraínsk stjórnvöld og aðskilnaðarsinnar, verða að stöðva án tafar allar handahófskenndar árásir þar sem það brýtur gegn stríðsreglum.