Í dag fer af stað herferð á samfélagsmiðlum til að vekja athygli á teiknimyndum Amnesty, Má bjóða þér mannréttindi? Framleidd voru sex myndbönd sem fjalla um sögur einstaklinga sem hafa orðið fyrir mannréttindabrotum.
Teiknimyndirnar eru hluti af kennsluefni Íslandsdeildar Amnesty International Má bjóða þér mannréttindi? og samanstanda af myndskreyttri sögu, sex teiknimyndum um mannréttindi og verkefnum fyrir grunn- og framhaldsskóla.
Myndböndin fjalla um eftirfarandi:
Hvað eru mannréttindi og hvaðan kemur hugtakið? Stiklað er á stóru í þessari teiknimynd um mannréttindi.
Teiknimynd um mannréttindabrot sem Sahra frá Sómalíu sætti sem barn. Kyn- og frjósemisréttindi og réttindi barna.
Teiknimynd um mannréttindabrot sem Magnea frá Íslandi sætti sem barn og ung kona. Kyn- og frjósemisréttindi og réttindi barna.
Teiknimynd um mannréttindabrot sem Hrafnkell frá Íslandi sætti sem unglingur. Vinnuréttindi og réttindi barna.
Teiknimynd um mannréttindabrot er segir frá Emmu sem upplifði miklar takmarkanir og jafnvel brot á réttindum sínum sem barn. Réttindi barna.
Teiknimynd um mannréttindabrot sem Farhad frá Íran sætti sem ungur maður. Trúfrelsi, tjáningarfrelsi og réttindi flóttafólks.
Elísabet Rún var á dögunum tilnefnd til verðlauna FÍT fyrir myndböndin.
Teikningar: Elísabet Rún
Hreyfihönnuðir: Guðrún Jónsdóttir og Sigrún Hreins
Hljóðvinnsla: Eiríkur Sigurðsson
Handrit og leikstjórn: Thelma Marín Jónsdóttir og Vala Ósk Fríðudóttir
