Förum fram á að Sajid Mehmood verði leystur úr haldi eða upplýst verði um hvar honum er haldið.
Sajid Mehmood, hugbúnaðarverkfræðingur, hvarf frá heimili sínu í Islamabad fyrir sex árum. Fjölskylda Sajid varð vitni að því þegar hann var numinn á brott og hefur barist fyrir lausn hans síðan. Dóttir hans, Aymun, hefur skrifað um þrekraunir fjölskyldunnar eftir hvarf hans. Aymun hefur skrásett allt sem fjölskyldan hefur þurft að ganga í gengum.
Skráðu þig í sms-aðgerðanetið hér.
Aðstæður fjölskyldu Sajid eru ekki einsdæmi. Þvinguð mannshvörf hafa verið algeng í Pakistan síðan á níunda áratugnum og eru enn.
Þvinguð mannshvörf eru glæpur samkvæmt alþjóðalögum og brot á mannréttindum. Binda verður enda á þessar grimmilegu aðgerðir. Sameina verður fjölskyldur ástvinum sínum.
Sms-aðgerðanetið krefst þess að Sajid Mehmood verði leystur úr haldi strax eða mál hans fari fyrir dóm.