Mannréttindasmiðjan er vettvangur fyrir ungt fólk á aldrinum 14-18 ára, sem brennur fyrir mannréttindum.
Í tveggja daga mannréttindasmiðju verður unnið með skipulögðum og ánægjulegum hætti við að efla rödd þátttakenda í þágu mannréttinda.
Þátttakendur smiðjunnar fá næði og öruggt umhverfi til að kafa inn á við, efla traust og kynnast hvert öðru. Farið verður í hópeflisleiki, hugmyndavinnu og þátttakendur fá verklega reynslu af vinnubrögðum Amnesty International.
Lokaafurðin er mannréttindaaðgerð sem framkvæmd verður miðvikudaginn 26. júní. Mæting í aðgerðina er valfrjáls fyrir þátttakendur smiðjunnar en einnig opin öðrum sem vilja vera með.
Þema smiðjunnar í ár er Ritskoðun í Rússlandi og leiðbeinandi verður Árni Kristjánsson, ungliða- og aðgerðastjóri. Einnig er von á sérstökum gestum.
Að mannréttindasmiðju lokinni fá þátttakendur Amnesty-bol og viðurkenningarskjal.
Matur er í boði Amnesty International á meðan smiðjan stendur yfir og eru foreldrar/forráðafólk og aðrir aðstandendur velkomin á útskriftarathöfn að smiðju lokinni.
Skráning er til 6. júní og hægt að skrá sig hér.
Dagskrá
Dagur 1
Kl. 10
Þátttakendur kynnast og farið yfir dagskrá vinnusmiðjunnar
Kynning á vinnubrögðum Amnesty International
Kl. 12
Hádegismatur
Kl. 12:30
Hópefli
kl. 13
Ritskoðun í Rússlandi
kl. 15
Smiðjudegi 1 lýkur
Dagur 2
kl. 10
Hópefli og hugmyndavinna
kl. 12
Hádegismatur og sérstakur gestur kemur í heimsókn
kl. 13
Undirbúningur á mannréttindaaðgerð
kl. 15
Útskriftarathöfn
Myndir frá Mannréttindasmiðju 2022
