Í næstum fjögur ár hefur líf foreldra sem eru Úígúrar og starfa eða stunda nám erlendis verið martröð. Mörg þeirra hafa skilið eftir eitt eða fleiri börn í umsjá fjölskyldu sinnar á heimaslóðum í norðvesturhluta Kína í Xinjiang, sjálfstæðu svæði Úígúra.Í áratugi hafa Úígúrar orðið fyrir kerfisbundinni mismunun vegna uppruna og trúar.
Teiknarinn Ahmed Kabir Kishore og rithöfundurinn Mushtaq Ahmed voru færðir í varðhald í maí 2020, annars vegar fyrir að birta skopmyndir á Facebook og hins vegar fyrir gagnrýni á viðbrögð stjórnvalda í Bangladess við Covid-19. Mushtaq var neitað um lausn gegn tryggingu sex sinnum og lést í fangelsi 25. febrúar 2021. Ahmed á yfir höfði sér 10 ára fangelsisdóm einungis fyrir að nýta tjáningarfrelsið sitt.
Ársskýrsla Íslandsdeildar Amnesty International fyrir árið 2020 er komin út og verður kynnt á aðalfundi í húsnæði deildarinnar, Þingholtsstræti 27, miðvikudaginn 17. mars 2021 kl. 17:00.
Íslandsdeild Amnesty International vekur athygli á viðburði sem fer fram í kvöld fimmtudag, 11. mars, kl. 20.15 á leik KR og Vals í Dominosdeild karla í körfubolta í DHL höllinni.
Shagufta Kausar og Shafqat Emmanuel eiga yfir höfði sér aftöku fyrir að senda smáskilaboð á klerk sem túlkuð voru sem guðlast. Skilaboðin komu úr síma skráðum á þeirra nafn en parið hefur neitað allri sök. Þau hafa verið í haldi síðan 2013 og voru dæmd til dauða í apríl 2014. Áfrýjun í málinu átti að fara fyrir dómstól í apríl 2020 en var frestað vegna heimsfaraldursins.
Alþjóðlegur baráttudagur kvenna er dagur til fögnuðar.Þrátt fyrir að heimsfaraldurinn hafi ýtt undir ójöfnuð og haft gífurlega neikvæð áhrif á konur, stelpur og hinsegin fólk um allan heim hafa mikilvægir sigrar í kvenréttindabaráttunni náðst á árinu og því ber að fagna!
Aðalfundur Amnesty International verður haldinn miðvikudaginn 17. mars 2021 kl. 17:00 í húsnæði deildarinnar, Þingholtsstræti 27, 101 Reykjavík, 3. hæð.
Nýverið höfum við fengið tvær góðar fréttir sem tengjast okkar árlegu herferð Þitt nafn bjargar lífi. Khaled Drareni, blaðamaður frá Alsír, er nú laus úr haldi með skilyrðum. José Adrián, sem var aðeins 14 ára þegar hann var beittur lögregluofbeldi í Mexíkó, hefur nú fengið skaðabætur frá ríkinu um fimm árum síðar. Mál hans var hluti af herferðinni árið 2019 þar sem krafist var réttlætis fyrir hans hönd.
Þann 8. febrúar var Luis Alberto González López hótað og gert að yfirgefa heimili sitt í borginni Barrancabermeja innan 72 tíma. Að öðrum kosti yrði hann skotmark vopnaða hópsins ELN. Luis er varaforseti FEDEPESAN, náttúruverndarsamtaka á Magdalena Medio- svæðinu í miðhluta Kólumbíu. Frá því í september 2020 hafa vopnaðir hópar sent ógnandi skilaboð til meðlima samtakanna.
Í lok maí 2020 handtók lögreglan í Iowa blaðakonuna Andreu Sahouri í mótmælum Black Lives Matter-hreyfingarinnar þar sem hún var við störf að fjalla um mótmælin. Lögregla spreyjaði piparúða á hana þrátt fyrir að hún hafði ítrekað sagst vera blaðakona. Réttarhöld eiga að byrja í mars.
Þeir sem berjast fyrir mannréttindum eru í mikilli hættu víðssvegar um heiminn. Borgaralegt samfélag liggur undir árás og það blasir við mannréttinda-neyðartilfelli. Þó að það sé ekki nýtt að ríki gagnrýni og ráðist gegn þeim sem benda á mannréttindabrot er stærðargráðan orðin allt önnur. Á þessum tímum upplifum við vaxandi andúð gegn mannréttindum frá valdhöfum. Bæði starf og starfsfólk Amnesty út um allan heim hefur orðið fyrir árásum. Áreitni að hálfu ríkisstjórna, varðhald að geðþótta, ólöglegt eftirlit, jafnvel morð eru dæmi um brögð sem ríki beita til að þagga niður í þeim sem berjast fyrir mannréttindum.
Háteigsskóli og Alþjóðaskólinn á Íslandi eru Mannréttindagrunnskólar ársins 2020 og hlutu nú í febrúar viðurkenningu og verðlaunagrip fyrir frammistöðu sína í grunnskólakeppni Íslandsdeildar Amnesty International og titilinn Mannréttindagrunnskóli ársins. Þetta er þriðja árið í röð sem skólarnir sigra keppnina hvor í sínum flokkinum. Þá hlutu Kvennaskólinn í Reykjavík og Framhaldsskólinn á Húsavík viðurkenningu og verðlaunagrip fyrir frammistöðu sína í framhaldsskólakeppni samtakanna.