Þann 4. júní síðastliðinn kom út skýrsla Sameinuðu þjóðanna um ástand mannréttinda á Filippseyjum. Þar er greint frá aftökum án dóms og laga ásamt öðrum mannréttindabrotum í nafni svokallaðs „stríðs gegn fíkniefnum“ sem Duterte forseti landsins stendur fyrir auk árása gegn fjölmiðlum, mannréttindafrömuðum og pólitískum aðgerðasinnum.

Ný skýrsla Amnesty International greinir frá hræðilegum afleiðingum átaka stjórnvalda og Boko Haram fyrir börn í norðausturhluta Nígeríu. Börn sem flýja svæði Boko Haram enda oftar en ekki í verri aðstæðum. Í besta falli eru þau á vergangi í harðri lífsbaráttu þar sem þau hafa lítinn eða engan aðgang að menntun. Í versta falli eru þau handtekin að geðþótta af hernum og þeim haldið árum saman við aðstæður sem teljast til pyndinga og annarrar illrar meðferðar. Einnig kemur fram í skýrslunni að alþjóðlegir aðilar hafi styrkt gallaða endurhæfingu fyrir meinta fyrrum hermenn Boko Haram sem í raun er ólögmætt varðhald barna og fullorðinna.

Í gær afhenti Snædís Lilja Káradóttir, fyrir hönd ungliðahreyfingar Íslandsdeildar Amnesty International, Guðlaugi Þór Þórðarsyni utanríkisráðherra undirskriftir 2342 einstaklinga sem skrifuðu undir ákall þar sem krafist er þess að íslensk stjórnvöld veki athygli á stöðu mannréttinda í Íran á alþjóðavettvangi.

Íbúar Hong Kong eru beittir ofbeldi af lögreglu í friðsælum mótmælum. Þörf er á óháðri rannsókn á lögregluofbeldi á svæðinu.

Aðalfundur Amnesty International verður haldinn fimmtudaginn 18. júní 2020 kl. 17:00 í húsnæði deildarinnar, Þingholtsstræti 27, 101 Reykjavík, 3. hæð.

„Ég næ ekki andanum“ kvað George Floyd á meðan lögreglumaður kraup yfir honum, þrýsti hné sínu að hálsi hans og neitaði að færa sig af honum í sjö mínútur. „Ég er að deyja!“ sagði George með hendurnar bundnar fyrir aftan bak.

Það er engin auðveld lausn við kórónuveirufaraldrinum. Það er þó skýrt hvaða viðbrögð eru ekki viðeigandi. Sum stjórnvöld hafa brugðist við faraldrinum á ótrúlegan hátt sem einkennist af hentistefnu, furðulegum vísindum og algjörri vanvirðingu gagnvart mannréttindum.

Saïkou Yaya Diallo, aðgerðasinni og aðstoðarmaður lögfræðings hjá stjórnarandstöðuflokknum National Front for the defense of the constitution (FNDC) var handtekinn þann 7. maí og settur í varðhald í Conakry, höfuðborg Gíneu, í kjölfar atviks sem átti sér stað á blaðamannafundi hjá stjórnmálaflokknum. Þann 12. maí var hann kærður fyrir líkamsárás, ofbeldi, hótanir og óspektir á almannafæri. Saïkou er með sykursýki sem krefst sérstaks mataræðis og meðhöndlunar og því í áhættuhópi vegna kórónuveirufaraldursins. Sama dag staðfestu stjórnvöld í Gíneu 58 tilfelli af COVID-19 smitum í fangelsinu og þrjú dauðsföll af völdum veirunnar.

Ráðstefnan fer fram á Laugarvatni dagana 16. – 19. júlí og verður haldin í Héraðsskólanum. Staðsetningin er frábær og náttúran yndisleg;  fjalllendi, Laugarvatn og græn svæði. Þátttakendum verður boðið í Fontana heilsulind þar sem er að finna potta og gufur við vatnið.

Tatyana Revva, læknir frá Volgograd í suðurhluta Rússlands á yfir höfði sér málaferli sem gætu leitt til þess að hún missi lækningaleyfið í kjölfar þess að hún kvartaði yfir skorti á hlífðarbúnaði og öðrum vandamálum  tengdum kórónuveirufaraldrinum á spítalanum þar sem hún starfar. 

Árásir gegn fjölmiðlafólki og gagnrýnendum stjórnvalda vegna viðbragða við kórónuveirufaraldrinum hindra að hægt sé að takast á við hann. Amnesty International varar við ritskoðun á mikilvægum upplýsingum um faraldurinn um heim allan og kallar eftir því að stjórnvöld setji lýðheilsu í forgang fram yfir verndun orðspors síns.

Íslandsdeild Amnesty International kynnir með stolti fyrsta fulltrúa deildarinnar í Global Youth Collective, alþjóðlegu ungmennaráði Amnesty International. Þórhildur Elísabet Þórsdóttir var valin í byrjun maí sem fulltrúi okkar í ráðinu. Hún hefur verið meðlimur ungliðahreyfingar Íslandsdeildarinnar um langt skeið og sinnt þar ýmsum sjálfboðaliða- og aðgerðastörfum. Hún var formaður stjórnar ungliðahreyfingarinnar frá 2016 til 2019, verið fulltrúi deildarinnar á ráðstefnum og fundum erlendis og stofnaði Háskólafélag Amnesty í Háskóla Íslands ásamt öðrum haustið 2018. Þórhildur situr nú í aðalstjórn Íslandsdeildarinnar og er jafnframt yngsti stjórnarmeðlimurinn en hún var aðeins 19 ára þegar hún var kosin í stjórnina í mars 2019.