Leikari í fangelsi í kjölfar ósanngjarnra réttarhalda

Andro Chichinadze, 29 ára leikari frá Georgíu, var dæmdur í tveggja ára fangelsi 3. september 2025 eftir þátttöku í mótmælum í Tbilisi. Hann er vel þekktur í Georgíu og hefur hann gagnrýnt stjórnvöld opinberlega. Hann var einnig virkur þátttakandi í mótmælum frá nóvember til desember 2024.  

Mótmælendur handteknir 

Andro var handtekinn í desember 2024 ásamt öðrum mótmælendum. Hann var einn af 19 mótmælendum sem voru sakfelldir í kjölfar ósanngjarnra réttarhalda. Þeir voru ákærðir fyrir að „taka þátt í hópóeirðum“ en ákærur á hendur þeim voru á pólitískum rótum runnar. Andro og hinir mótmælendurnir sátu átta mánuði í gæsluvarðhaldi þar til þeir voru sakfelldir.  

Skortur á sönnunargögnum 

Helsta sönnunargagn gegn Andro var myndband frá mótmælunum þar sem hann virðist kasta spýtu. Yfirvöld hafa ekki getað sýnt fram á hvar spýtan lenti eða hvort hún hafi valdið einhverjum skaða. Enn fremur tókst yfirvöldum ekki að sýna fram á að verknaður Andro hafi verið skipulagður eða af ásettu ráði eins og lögin kveða á um.  

Herjað á gagnrýnendur 

Andro er einn fjölmargra listamanna og aðgerðasinna sem georgísk yfirvöld hafa herjað á til að bæla niður gagnrýni.  

Skrifaðu undir og krefstu þess að Andro og hinir 18 mótmælendurnir verði leystir úr haldi og fái sanngjörn réttarhöld.