Leysið úr haldi ranglega fangelsaða Venesúelabúa

Undanfarinn áratug hefur Amnesty International skrásett beitingu varðhaldsvistunar að geðþótta í Venesúela. Aðgerðirnar eru hluti kúgunarstefnu ríkisstjórnar Nicolás Maduro.

Mál þeirra níu, kvenna og manna, sem hér er fjallað um, gefa vísbendingu um umfang kúgunarstefnu yfirvalda í Venesúela. Kennarar, verkalýðsfulltrúar, mannréttindafrömuðir og fjölmiðlafólk, hver sem er, getur átt á hættu að sæta varðhaldsvist af geðþóttaástæðum í pólitískum tilgangi, vera pyndaður, sæta þvinguðu mannshvarfi og verða af lífsáformum sínum.

Sum málin, eins og mál Roland Carreño, eru beintengd pólitísku aðgerðastarfi gegn ríkisstjórn landsins en í öðrum málum, eins og í tilfelli Emirlendris Benítez, voru einstaklingar skotmark vegna fjölskyldutengsla við þriðja aðila sem stjórnvöld álitu tortryggileg.

Það hve ólík málin eru sýnir hversu mikil hættan er á að almenningur sæti varðhaldi að geðþótta og öðrum alvarlegum mannréttindabrotum þar sem áhrifanna gætir bæði á meðal þeirra sem eru yfirlýstir andstæðingar stjórnvalda og einstaklinga sem eru ekki pólitískir.

Góðar fréttir! Búið er að leysa eftirfarandi þrjá einstaklinga úr haldi af þeim níu sem voru í upprunalega ákalli okkar:

• Roland Carreño: blaða­maður og póli­tískur aðgerðasinni, hand­tekinn í október 2020.
• Guillermo Zárraga: faðir og fyrrum félagi í verka­lýðs­fé­lagi, hand­tekinn í nóvember 2020.
• Gabriel Blanco: aðgerðasinni og starfs­maður í mann­úð­ar­málum, hand­tekinn í júlí 2021.

Enn eru í haldi: 

• Emirlendris Benítez: móðir og verslunarkona, handtekin í ágúst 2018.
• María Auxiliadora Delgado og Juan Carlos Marrufo: hjón og sérfræðingar, handtekin í mars 2019.
• Dario Estrada: einstaklingur með taugaþroskaröskun og verkfræðingur, handtekinn í desember 2020.
• Robert Franco: kennari og verkalýðsfélagi, handtekinn í desember 2020.
• Javier Tarazona: mannréttindafrömuður og samviskufangi, handtekinn í júlí 2021.

Við höldum baráttunni áfram. Skrifaðu undir og kallaðu eftir því að hin sex verði leyst úr haldi án tafar.

Nánar um skýrslu Amnesty International hér.